Papa Françesku, i cili ndodhet në gjendje kritike në spital me pneumoni dypalëshe, ka fjetur mirë gjatë natës, tha Vatikani këtë mëngjes.
Papa u shtrua në një spital në Romë më 14 shkurt për shkak të një sëmundjeje të rëndë që shkaktoi edhe probleme të tjera shëndetësore, raporton Reuters.
Të hënën, Vatikani njoftoi se gjendja e Papës mbeti kritike, por se kishte pasur “përmirësim margjinal”, duke shtuar se ” problemi i lehtë i veshkave”, i cili u raportua për herë të parë gjatë fundjavës, nuk ishte shkak për shqetësim.
Pneumonia dypalëshe është një infeksion serioz që mund të shkaktojë inflamacion dhe dhëmbëza në të dy mushkëritë, duke e bërë frymëmarrjen të vështirë, raportoi agjencia e lajmeve. Vatikani e përshkroi sëmundjen e Papës si “komplekse”, duke vënë në dukje se ajo ishte shkaktuar nga veprimi i dy ose më shumë mikroorganizmave.
Papa Françesku, i cili u bë papë në vitin 2013, ka pasur probleme shëndetësore për dy vitet e fundit. Ai është veçanërisht i ndjeshëm ndaj infeksioneve të mushkërive, sepse si i ri ka vuajtur nga pleuriti dhe i është dashur të heq një pjesë e njërës prej mushkërive.
/abcnews.al
